Dunyoning eng xavfsiz aviakompaniyalari reytingi tuzildi

Avstraliyaning eng yirik aviatashuvchisi «Qantas» 2019 yilda ham dunyodagi eng xavfsiz aviakompaniya deb topildi.

Foto: Qantas

Keyingi yili yuz yoshga kiradigan va hozir faoliyat yuritayotgan barcha aviakompaniyalar ichida uchinchi eng uzoq tarixga ega «Qantas» AirlineRatings saytining xavfsizlik borasidagi 2019 yilgi reytingida birinchi o‘rinda qayd etildi.

Ikkinchi pog‘onada «Air New Zealand» ko‘rsatilgan bo‘lsa, yuqori uchlikni Amerikaning «Alaska Airlines» kompaniyasi yakunlab berdi.

AirlineRatings jami 405ta aviakompaniyaning faoliyatini o‘rganib chiqib, ular orasidan 21ta eng xavfsizini tanlab olgan.

To‘rtinchi o‘rindan boshlab, ro‘yxatga quyidagi aviatashuvchilar kiritildi: All Nippon Airways (Yaponiya), American Airlines (AQSh), Austrian Airlines (Avstriya), British Airways (Britaniya), Cathay Pacific (Hongkong), Emirates (BAA), Eva Air (Tayvan), Finnair (Finlyandiya), Hawaiian Airlines (AQSh), KLM (Niderlandiya), Lufthansa (Germaniya), Qatar Airways (Qatar), Scandinavian Airlines (Daniya, Norvegiya, Shvetsiya), SwissAir (Shveytsariya), Singapore Airlines (Singapur), United Airlines (AQSh), Virgin Atlantic (Britaniya), Virgin Australia (Avstraliya).

2019 yilning eng xavfsiz loukosterlari sifatida quyidagi o‘nta aviakompaniya qayd etilgan (alifbo tartibida): Flybe (Britaniya), Frontier (AQSh), HK Express (Hongkong), Jetblue (AQSh), Jetstar (Avstraliya, Osiyo), Thomas Cook (Britaniya), Volaris (Meksika), Vueling (Ispaniya), Westjet (Kanada), Wizz (Vengriya).

#aviakompaniyalar #Qantas