Туркия АҚШни Суриядаги нефть конлари бўйича баёнотлари туфайли танқид қилди

Жаҳон 18:26 / 09.11.2019 6054

Туркия ташқи ишлар вазири Мавлуд Чавушўғли шанба куни АҚШни Суриядаги нефть конлари бўйича позицияси учун танқид остига олди.

«Улар нефть конлари туфайли ўша ерда эканликларини тан олишмоқда ва очиқ айтишмоқда. Ҳеч ким Сурия манбаларига ҳақли эмас. Улар минглаб километр масофани босиб ўтган ҳолда бу ерга келишди ва: «Биз бу мамлакатнинг нефть конларини баҳолаймиз», дейишди. Бу халқаро ҳуқуқ нормаларига зид», - дея ТИВ раҳбарининг сўзларидан иқтибос келтирмоқда A Haber. Чавушўғли ушбу объектлар «Сурия халқига тегишли» эканлигини қайд этди.

Шанба куни Anadolu АҚШ ҳарбийлари Сурия Араб Республикасидаги нефть конларини қўриқлашни кучайтираётгани ҳақида хабар берди.

АҚШ президенти Дональд Трамп октябрь ойи охирида америкалик ҳарбийлар Сурия шимолида Туркия операцияси ҳудудидан олиб чиқилишини эълон қилди, аммо Вашингтон мамлакат шимоли-шарқидаги нефть конлари устидан назоратни сақлаб қолиш ниятида эканлигини айтди. 

Кўпроқ янгиликлар