Буркина-Фасода олтин қазиш билан шуғулланувчи тоғ-кон компанияси автокарвонига ҳужум қилиниши оқибатида 37 киши ҳалок бўлди, 60 киши яраланди. Бу ҳақда Faso портали хабар берди.
Номаълум кимсалар мамлакат шарқидаги Бунгу конига ишчиларни олиб кетаётган 5 та автобусдан иборат карвонга ҳужум қилган. Жангарилар дастлаб портлаш уюштириб, сўнгра ўт очган. Карвонни ҳарбийлар қўриқлаб борган. Автобусларда Канаданинг SEMAFO компанияси ходимлари бўлган.
Буркина-Фасода олтин қазиб олиш охирги ўн йилликда авж олди. Мамлакат олтин қазиб олиш ҳажми бўйича Африкада 4-ўринни эгаллайди. Буркина-Фасода 14 та саноат кони ҳамда кўп миқдорда майда артеллар фаолият юритади. Улар тез-тез бандитлар ҳужумига учраб туради.
