Британияда жонсиз ҳолда топилган 39 муҳожирнинг барчаси вьетнамлик бўлган

Жаҳон 23:45 / 07.11.2019 8094

Аниқланишича, ҳалок бўлганларнинг барчаси вьетнамликлар бўлган.

Шунингдек, Вьетнам ҳукумати жонсиз ҳолда топилган муҳожирларнинг барчаси вьетнамлик бўлганини тасдиқлаган. Маълум қилинишича, муҳожирлар Вьетнамнинг Хайфон шаҳри, Нгеан, Хатин, Куанг Бин ва Тхма Тхиен Хуэ провинцияларидан бўлганлар.

Ҳозирда Британия ва Вьетнам ушбу воқеани биргаликда тергов қилмоқда.

Дастлаб ҳалок бўлганлар Хитой фуқаролари бўлгани, кейинроқ улар орасида вьетнамликлар борлиги айтилган.

Вьетнам бош вазири Нгуен Суан Фук одамларнинг ноқонуний ташилиши юзасидан тергов ўтказишни топширган. Бундан ташқари, Вьетнам ҳуқуқ-тартибот идоралари муҳожирларнинг ўлимига алоқадор бўлган 11 нафар гумонланувчини қўлга олган. Ўз навбатида, Британияда ушбу воқеа юзасидан икки шимолий ирландияликка, жумладан юк машинаси ҳайдовчисига қасддан содир этилмаган қотиллик айблови қўйилган. 

Кўпроқ янгиликлар