Ўсмирлар ўртасидаги Бутунжаҳон шахмат олимпиадасида Ўзбекистон 2-ўринни олди

Спорт 18:58 / 06.11.2019 2968

Ўзбекистонлик ёш шахматчилар Туркиянинг Чорум шаҳрида бўлиб ўтган 16 ёшгача ўсмирлар ўртасидаги Бутунжаҳон шахмат олимпиадасида 2-ўринни қўлга киритди.

28 октябрь куни бошланган олимпиада бугун, 6 ноябрда якунланди.

Мусобақада Ўзбекистон шарафини Халқаро тоифадаги гроссмейстерлар Нодирбек Абдусатторов, Жавоҳир Синдаров, ФИДЕ спорт устаси Али Касимов, Муҳиддин Мадаминов, халқаро тоифадаги спорт устаси Умида Омонова ҳимоя қилди.

Улар турнирда қатнашган 250дан ортиқ иштирокчи орасида жами 15 очко билан умумжамоа ҳисобида 2-ўринни эгалладилар.

Олимпиада 9 турдан иборат бўлиб, швейцарча тизимда ўтказилди. Биринчи ўрин Озарбайжон терма жамоасига насиб этди, кучли учликни беларуслик ёш шахматчилар кучли учликни якунлаб берди.

Ўзбекистон вакиллари шахсий натижасига кўра ҳам қатор медалларга сазовор бўлдилар. Халқаро гроссмейстерлар Нодирбек Абдусатторов 1-тахтада 2-ўринни, Жавоҳир Синдаров эса 2-тахтада 2-ўринни эгаллади.

Делегация аъзолари 7 ноябрга ўтар кечаси Туркиядан қайтиб келади.

Эслатиб ўтамиз, ўтган йилги Олимпидада ўзбекистонлик ўсмирлар олтин медалга сазовор бўлган эди.

Кўпроқ янгиликлар