2019 yil boshidan beri dunyoda sodir etilgan eng yirik teraktlar oqibatida 9 mingdan ko‘proq odam halok bo‘lgan. Bu haqda “Rossiyskaya gazeta” nashriga intervyuda Rossiya xavfsizlik kengashi kotibi o‘rinbosari Yuriy Kokov ma'lum qildi.
Uning ta'kidlashicha, 2018 va 2019 yillarda 70 ga yaqin davlat 5 mingdan ko‘proq yirik teraktni boshdan kechirgan. Terrorchilar hujumi oqibatida 30 mingga yaqin odam jabrlangan.
“Joriy yilda 2 mingta eng yirik terakt oqibatida 9 mingdan ko‘proq odam halok bo‘lgan, 11 mingdan ko‘prog‘i yaralangan”, deb xabar bergan Kokov.
Uning ta'kidlashicha, terrorchilarning asosiy nishoni xalqaro terrorchilikka qarshi kurashda eng ko‘p hissa qo‘shgan davlatlar bo‘lib qolmoqda.