Senat bir kunda 19ta qonunni ma'qulladi (fotoreportaj)

Oliy Majlis Senatining 23-yalpi majlisi muhokamasiga qo‘yilgan 19ta qonunning barchasi ma'qullandi.

Yalpi majlisning ilk kuni, 11 oktyabrda senatorlar faqat qonunlar muhokamasi bilan mashg‘ul bo‘lishdi. Yuqori palata vakolatidagi boshqa o‘ndan ortiq turli masalalar esa 12 oktyabrda ko‘rib chiqiladi.

Juma kuni Senat tasdig‘idan o‘tgan qonunlar quyidagilar:

«Banklar va bank faoliyati to‘g‘risida» (yangi tahrirda)
«O‘zbekiston Respublikasining Markaziy banki to‘g‘risida» (yangi tahrirda)
«Valutani tartibga solish to‘g‘risida» (yangi tahrirda)
«To‘lovlar va to‘lov tizimlari to‘g‘risida»
«Ilm-fan va ilmiy faoliyat to‘g‘risida»
«Ona suti bilan oziqlantirishni qo‘llab-quvvatlash hamda go‘daklar va kichik yoshdagi bolalar oziq-ovqat mahsulotlariga doir talablar to‘g‘risida»
«Metsenatlik to‘g‘risida»
«Mudofaa to‘g‘risida» (yangi tahrirda)
«Ko‘p kvartirali uylarni boshqarish to‘g‘risida»
«Oliy darajali «Do‘stlik» ordenini ta'sis etish to‘g‘risida»
«O‘zbekiston Respublikasi axborot-kutubxona tizimi xodimlari kunini belgilash to‘g‘risida»
«Kreditorlarni huquqiy jihatdan himoya qilish kuchaytirilishi hamda tadbirkorlik faoliyatini moliyalashtirish mexanizmlari takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»
«Ba'zi davlat organlarining faoliyati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»
«O‘zbekiston Respublikasi Milliy gvardiyasi organlari faoliyati takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartishlar kiritish to‘g‘risida»
«Chet el fuqarolarining va fuqaroligi bo‘lmagan shaxslarning O‘zbekiston Respublikasida vaqtincha bo‘lish qoidalarini buzganligi uchun javobgarligi liberallashtirilishi munosabati bilan O‘zbekiston Respublikasining ayrim qonun hujjatlariga o‘zgartishlar kiritish to‘g‘risida»
«Bojxona ma'muriyatchiligi takomillashtirilishi munosabati bilan O‘zbekiston Respublikasining Ma'muriy javobgarlik to‘g‘risidagi kodeksiga o‘zgartish va qo‘shimchalar kiritish haqida»
«O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»
«Madaniy ifodalarning turli xil shakllarini muhofaza qilish va qo‘llab-quvvatlash to‘g‘risidagi xalqaro konvensiyani (Parij, 2005 yil 20 oktabr) ratifikatsiya qilish haqidagi»
«O‘zbekiston Respublikasining biologik xilma-xillik haqidagi Konvensiyaning bioxavfsizlik bo‘yicha Kartaxen protokoliga qo‘shilishi (Monreal, 2000 yil 29 yanvar) to‘g‘risida»

Kun.uz o‘z an'anasiga muvofiq, O‘zbekiston qonun chiqaruvchi hokimiyatining eng oliy organida o‘tgan yalpi majlisdan fotoreportaj taqdim etadi.