Фарғонада авиация бомбаси топилди

Ўзбекистон 16:38 / 10.10.2019 48048

Фарғона вилоятининг Қува туманида кутилмаган ҳолат кузатилди. Бу ҳақда “Постда” нашри хабар бермоқда.

Қайд этилишича, жорий йилнинг 7 октябрь куни соат 16:00ларда “Турк” маҳалла фуқаролар йиғини ҳудудида жойлашган “Абдуқодир” боғдорчилик фермер хўжалигининг гилос боғидан шартли белгиларсиз, узунлиги 94 см., оғирлиги 150 кг. бўлган авиация бомбаси топилган. 

“Хайриятки, ҳеч кимга зарар етмади”, - дейилади ИИВ нашри хабарида.

Билдирилишича, айни пайтда йўқ қилиш мақсадида ҳарбий қисмга топширилган бомбанинг боғда қандай пайдо бўлиб қолгани, қанчалик хавфлилиги юзасидан суриштирув ишлари олиб борилмоқда.

Кўпроқ янгиликлар