2019 йил 8 октябрь куни соат 18:30ларда фуқаро С.Л. (1977 й.т.) ўзининг Юнусобод тумани, 12-мавзедаги хонадонида таниши И.К. (1967 й.т.) билан бирга спиртли ичимлик истеъмол қилган.

Бош прокуратура матбуот хизмати хабарига кўра, сўнг С.Л. ўзаро келиб чиққан жанжал оқибатида, ошхона пичоғи билан И.К.нинг бўйин қисмига бир неча маротаба пичоқ билан уриб, қасддан ўлдирган.

Мазкур ҳолат юзасидан туман прокуратураси томонидан С.Л.га нисбатан ЖКнинг 97-моддаси 1-қисми билан жиноят иши қўзғатилган. 

Тергов ҳаракатлари олиб борилмоқда.