Туркия АҚШ президенти Доналд Трампнинг таҳдидларига жавобан Американинг Инжирлик ҳарбий авиабазасини ёпиши керак, деди Туркиянинг Vatan партияси етакчиси Догу Перинчек.

"Американинг таҳдидларига жавобан Туркия бера оладиган энг яхши жавоб бу Дамашқ билан ҳамкорликни бошлаш ва зудлик билан АҚШ учун Инжирлик базасини ёпишдир. АҚШ ўзини мамлакатимизга нисбатан душмандек тутмоқда ва у ерда Туркияни НАТОдан чиқариш тўғрисидаги овозлар эшитила бошлади", - деди у.

Унинг сўзларига кўра, Қўшма Штатлар Туркияда тақиқланган Курдистон ишчилар партиясига 30 минг юк машинасида қурол етказиб берган.

"Бу Туркияга қарши ҳақиқий фронтни очди ва бу яна бир бор АҚШ Туркияни душман сифатида кўришини кўрсатади ", - дея қўшимча қилди Перинчек.

Аввалроқ Трамп ўзининг Twitter саҳифасида агар Анқара, унинг фикрига кўра, ҳаддидан ошса, "турк иқтисодиётини йўқ қилиб юбориш" билан таҳдид қилган эди.