Сурия демократик кучлари (SDF) курд отрядлари Туркия ҳарбий авиациясининг авиазарбаларига жавобан Туркиянинг Сурия билан чегарадаги Нусайбин шаҳрини снарядлар билан ўққа тутишди. Бу ҳақда “РИА Новости” ахборот агентлиги хабар берди.   

“SDF Нусайбин турк шаҳрини бир нечта миномёт снаряди билан ўққа тутди”, деб хабар қилди Ikhbariya телеканали.

Бундан ташқари, Сурия демократик кучлари отрядлари Суриянинг Хасака вилоятидаги бир нечта нефть қудуғига ўт қўйган.

Туркия 9 октябрда Суриянинг шимолидаги курд қуролли тузилмаларига қарши “Тинчлик манбаи” ҳарбий амалиётини бошлади ва Суриянинг Хасакадаги Рас ал-Айн, Туркия билан чегарадаги Тал-Обод ҳамда Раққа вилоятидаги Айн-Исо шаҳарларига авиазарбалар берди.