Сўров: Жанубий Кореяда КХДР билан бирлашишга қарши бўлганлар сони ўсди

Жаҳон 22:42 / 08.10.2019 7862

Жанубий Кореянинг КХДР билан бирлашишига қарши бўлганлар сони 20,5 гача ўсди. Yonhap агентлигининг хабар қилишича, Gallup Korea институтининг жамоатчилик фикрини ўрганиш натижалари бундан дарак бермоқда.

Ўтган йили бирлашишга қарши чиққан Жанубий кореяликларнинг улуши мамлакат аҳолисининг 16,1 фоизини ташкил этганди. Шу билан бирга, тадқиқот натижаларига кўра, миллий бирлашиш ғоясини қўллаб-қувватловчилар сони 2018 йилдаги 60 фоиздан 2019 йилда 53 фоизга тушди. Мутахассисларнинг фикрича, қўллаб-қувватлашнинг пасайиши яриморолни ядросизлантириш бўйича музокараларнинг муваффақиятсизликка учрагани билан боғлиқ.

Аммо агентликнинг қайд этишича, Жанубий Корея жамияти КХДРни ўз мамлакати учун борган сари камроқ асосий таҳдид сифатида кўрмоқда. Қаторасига иккинчи йил Хитой Жанубий Кореяга энг катта хавф туғдирадиган давлатлар рўйхатида биринчи ўринни эгалламоқда. Биринчи навбатда КХДРдан хавфсирайдиган Жанубий кореяликлар улуши 30 фоизга камайди, бу 2007 йилда ушбу сўров бошланганидан бери энг паст кўрсаткич ҳисобланади.

Кореяликларнинг озроқ қисми (28%) Японияни асосий таҳдид деб атади. Экспертлар буни Сеул ва Токио ўртасидаги савдо можаросининг таъсири билан изоҳлади. 

Кўпроқ янгиликлар