WebMoney  – электрон ҳамёндан ҳам кўпроқ дегани

Технология 15:10 / 02.10.2019 10863

Тошкентда ўтказилган ICT Week 2019 Ўзбекистон ахборот-коммуникация технологиялари ҳафталиги доирасида электрон тижоратни ривожлантириш режаларига катта эътибор қаратилди.

WebMoney Transfer тизимини ривожлантириш бўйича директор Пётр Дарахвелидзенинг нутқи e-тижорат соҳасидаги ҳамкорлик истиқболларига бағишланди. Биз у билан Ўзбекистоннинг тўлов бозорида қандай янгиликлар пайдо бўлишини, электрон ҳамёнларнинг хусусиятларини ва онлайн тўловларнинг қанчалик хавфсизлигини муҳокама қилиш учун учрашдик.

  • Бу йил ёзда WebMoney сўмдаги WMY ҳамёнларининг ишга туширилишини маълум қилган эди. Сиз ўзбек фойдаланувчиларга нималарни таклиф қилишингиз мумкин?
  • Ўзбекистонда биз ўз ҳамкорларимиз билан ўзаро узвий боғлиқ ишлар олиб бормоқдамиз - WMY бўйича тизим кафили мақомини молиявий технологиялар секторидаги Brio Group компанияси олди. WebMoney фойдаланувчиларга қулай интерфейс ва ўтказмалар хизматига эга дастурни тақдим этади. Кафил, ўз навбатида, технологияни маҳаллий қонунчилик ва маҳаллий бозорнинг хусусиятлари билан мослаштиради.

Ҳозирги вақтда бизда учта вазифа мавжуд: ҳисобни тўлдиришнинг арзон ва осон усулларини тақдим этиш, интерфейсни ўзбек тилига ўтказиш, шунингдек WMY-ҳамённи глобал интернет-дўконлар ва хизматларга, масалан, AliExpress тизимига максимал даражада кириш имкониятини таъминлаш.

Умид қиламизки, WMY-ҳамён кундалик тўловлар ва машҳур товарлар ва хизматларни тўлаш учун қулай восита бўлади. Кимгадир эса, WebMoney ўз ишини очишга ва интернетда қонуний пул топишга ёрдам беради.

  • WebMoney тизимининг бошқа электрон ҳамёнлардан қандай фарқи бор?
  • WebMoney –  бу пул маблағларини ўтказиш учун электрон ҳамёндан кўра кўпроқ имкониятларга эга тизимдир, биз интернетда бизнес юритиш учун бизнес муҳитини яратишга алоҳида эътибор қаратамиз. Шунингдек, бизнинг ҳамённи бошқариш дастурларимизда маблағларни алмашиш учун интерфейс, ўрнатилган мессенжер, тўғридан-тўғри дастурдан видео ва аудио қўнғироқларни амалга ошириш имконияти ва мавзулар бўйича гуруҳлар яратиш ва мунозараларни ўтказиш мумкин бўлган WebMoney Events бизнес тармоғига кириш имконияти мавжуд.

Умуман тизимда ўнлаб хизматлар мавжуд: фриланcерлар биржаси, маблағ йиғиш ва жамоавий харидлар учун платформа, escrow хизмати, файллар сақланадиган омбор ва кўплаб бошқалар. Тизим ушбу хизматларнинг кўпчилигидан фойдаланиш имконияти учун қўшимча тўлов олмайди.

  • Харидорларнинг номаълум интернет-дўконларда тўлашдан қўрқиши электрон тижоратни ривожлантиришдаги тўсиқлардан биридир. Бу қўрқувлар қанчалик асосли?
  • WebMoney тизимида сотувчи мақомини олиш учун “KYC” (know your customer – ўз мижозингни бил) стандартларига мувофиқ тегишли текширувдан ўтиш керак бўлади.

Тизимда, шунингдек, ноинсоф сотувчига нисбатан шикоят қилиш имконияти ҳам назарда тутилган, бундай ҳолатларнинг ҳар бири батафсил кўриб чиқилади.

Бундан ташқари, ишончлиликни баҳолаш учун қўшимча воситалар мавжуд. Улардан бири Business Level (BL) - WebMoney Transfer тизими аъзосининг ишдаги фаоллик даражаси. BL кўрсаткичи тизимдан фойдаланишнинг давомийлиги, иштирокчига нисбатан эътирозларнинг мавжудлиги, ўтказмалар ҳажми, корреспондентлар сони ҳақидаги маълумотлар асосида ҳисобланади. BL қанчалик юқори бўлса, сиз ишончли сотувчи ёки бизнес ҳамкор билан ишлаётганлигингиз эҳтимоли шунчалик катта бўлади.

  • Ўзбекистонда электрон тижорат соҳасида қандай истиқболларни кўряпсиз?
  • Умумжаҳон тренд – бу трансчегаравий электрон савдонинг жадал ўсишидир. WebMoney ёрдамида Ўзбекистондаги интернет-дўконлар эгалари чет эллик харидорлардан тўловларни доллар, евро, рубл ва бошқа валюталарда қонуний равишда қабул қилиб олишлари мумкин. Бу ривожланиш учун мутлақо янги имкониятларни очиб беради.
  • Электрон ҳамён билан нафақат интернетда, балки ҳақиқий дўконларда ҳам тўлаш имконияти мавжудми?
  • Албатта! Тизимнинг ечими кафе, ресторан ва дўконлар эгаларига POS-терминал сотиб олишга маблағ сарфламасдан, нақд пулсиз тўловларни қабул қилишга имкон беради. Мижоз фақатгина WebMoney Keeper мобил иловаси орқали QR-кодини сканерлаши ва операцияни тасдиқлаши керак бўлади. Ўтказмалар бир зумда содир бўлади.

Facebook: fb.com/webmoneyWMY
Instagram: instagram.com/webmoney.uzb
Telegram: t.me/wmy_uzb

Реклама ҳуқуқи асосида

Кўпроқ янгиликлар