Sankt-Peterburgdan Namanganga parvoz qilgan samolyot O‘zbekiston fuqarosining o‘zini yomon his qilishi tufayli Samara aeroportiga qo‘nishga majbur bo‘ldi. Bu haqda Kuybishev transport prokuraturasi xabar berdi.

Xabarda aytilishicha, Sankt-Peterburg – Namangan yo‘nalishida U6 2509 reysi bilan parvoz qilayotgan samolyot Kurumoch xalqaro aeroportida majburiy qo‘nishni amalga oshirgan.

"Majburiy qo‘nish sababi – 1988 yilda tug‘ilgan O‘zbekiston fuqarosi, gipertoniya xastaligi bo‘lgan ayolning o‘zini yomon his qilishi", - deyiladi xabarda.

Prokuraturaning xabariga ko‘ra, ayolga zarur tibbiy yordam ko‘rsatilgan va shahardagi kasalxonalardan biriga yotqizilgan. Samolyot yana uchib ketgan.