Epsilon kompaniyasi uglevodorodlarni qazib olish hajmini oshirish maqsadida faollik bilan yangi texnologiyalarni, shu jumladan «Qatlamni gidravlik yorish» usulini (GRP) tadbiq etmoqda. 2019 yil 11-17 sentyabr oralig‘ida kompaniya 6ta quduqda mazkur usulni qo‘llashi natijasida, ulardagi gaz qazib olishning umumiy kunlik hajmi 156 ming kubometrdan 1,6 mln. kubometrgacha o‘sdi.

Hammasi bo‘lib, joriy yilning iyun-sentyabr oylarida kompaniya 19ta quduqda yuqoridagi usulni amalga oshirishi natijasida, kunlik uglevodorodlar qazib chiqarish hajmi 3,3 mln. kubometrga o‘sdi.

Barcha quduqlar gaz quvurlariga ulangan bo‘lib, qazib olinayotgan tabiiy gaz hamda suyuq uglevodorodlar ichki bozorga O‘zbekiston aholisi ehtiyoji uchun, shuningdek, benzin va dizel yoqilg‘isi ishlab chiqarish uchun yo‘naltirilgan.

Kompaniya yangi texnologiyalarni qo‘llagan holda, uglevodorodlar qazib olish hajmini oshirish borasidagi ishlarni izchillik bilan davom ettirmoqda. Bu boradagi erishilayotgan natijalar xaqida biz o‘quvchilarni xabardor etib boramiz.

Epsilon kompaniyasi Matbuot xizmati