Эрон Америка базалари ва авиаташувчилари ракеталар зарба бера оладиган масофада жойлашганини билдирди

Жаҳон 14:09 / 15.09.2019 28797

АҚШнинг барча база ва авиаташувчилари Эрон ракеталари етадиган масофада жойлашган. Бу ҳақда Эрон ислом инқилоби қўриқчилари корпусининг ҳаво-космик кучлари қўмондони бригада генерали Амир Али Ҳожизода маълум қилди.

"Американинг 2 минг километр радиусдаги барча ҳарбий база ва танкерлари Эрон ракеталари етадиган масофада жойлашган. Эрон урушга тайёр, аммо уруш бошлашни на АҚШ, на Эрон хоҳлайди", дея унинг сўзларидан иқтибос келтиради Tasnim агентлиги.

Аввалроқ АҚШ сенатори Линдси Грэм АҚШ ҳукумати Эрондаги нефть объектларига зарбалар бериш имкониятини ўрганиб чиқиши кераклигини айтганди.

Унинг айтишича, Эрон жиддий оқибатларни ҳис қилмагунча, бундай ҳаракатларни амалга оширишни бас қилмайди.

Сенаторнинг таъкидлашича, Эрон нефть объектларига ҳужум бу мамлакатдаги тузумга қақшатқич зарба беради.

Кўпроқ янгиликлар