Грузияда дунёдаги энг қадимий ДНК топилди

Жаҳон 21:50 / 12.09.2019 12637

Грузиялик олимлар ва уларнинг хорижий ҳамкасбларининг кўп йиллик биомолекуляр тадқиқоти ҳайвон қолдиқларидан олинган дунёдаги энг қадимий ДНК Грузиянинг жанубида, Тбилисидан 90 км узоқликдаги қадимги Дманиси шаҳрида топилганини тасдиқлади.

Грузия миллий музейи хабарида қадимги шаҳарда топилган каркидоннинг тиш эмалидан 1,77 млн йиллик муҳим генетик маълумот олингани маълум қилинган. 

“Бу ҳайвонлар қолдиқларидан олинган дунёдаги энг қадимий ДНКдир. У бунгача Канаданинг Укон оролида топилган отдан олинган 700 минг йиллик ДНКдан миллион йилга қадимийроқдир”, дейилган хабарда.

Олимларнинг айтишича, “бу топилма қадимий биомолекуляр тадқиқотлардаги кашфиётдир”. У бугунгача мумкин бўлгандан кўра анча эрта даврларнинг эволюцион суратини тиклашга ҳамда ҳайвонлар ва инсонларнинг аждодлари тарихини ўрганишга имкон беради.

Дманиси қўҳна шаҳар бўлиб, унинг ҳудудида археологик қазилмалар 1930-йиллардан бошланган. У ерда турли давлатлар археологлари иш олиб боради. 

Кўпроқ янгиликлар