General Motors АҚШда 3,5 млнта автомобилини қайтариб олади

Жаҳон 19:34 / 11.09.2019 6287

General Motors компанияси АҚШда тормоз тизимининг вакуум кучайтиргичидаги носозлик сабабли 3,5 млнта автомобилини қайтариб олмоқда. Бу ҳақда Reuters ахборот агентлиги хабар берди. 

2014 йилдан 2018 йилгача ишлаб чиқарилган Cadillac Escalade, Chevrolet Suburban ва GMC Yukon йўлтанламаслари ҳамда Chevrolet Silverado ва GMC Sierra пикаплари қайтариб олинади.

2018 йил сентябрда АҚШ компанияси рулнинг электр кучайтиргичидаги муаммолар сабабли АҚШда 2015 йилги модел қаторига тегишли 1 млн.тадан кўпроқ автомобилни қайтариб олганди. Ушбу носозлик сабабли 30 га яқин автофалокат юз берган.   

Кўпроқ янгиликлар