АҚШда юк самолёти фалокатга учради

Жаҳон 21:01 / 11.09.2019 8986

Автомобил деталлари ортилган юк самолёти АҚШнинг Толидо шаҳри (Огайо штати) аэропорти яқинида фалокатга учради. Бу ҳақда WTVG маҳаллий телеканал хабар берди. 

Телеканал маълумотларига кўра, воқеа маҳаллий вақт билан соат 3 атрофида юз берган. Самолётда икки киши бўлган, уларнинг тақдири ҳозирча номаълумлигича қолмоқда. 

Самолёт қулагандан кейин буткул ёниб кетган, воқеа жойига келган ўт ўчирувчилар уни ўчиришган.

Аэропорт хавфсизлик хизмати ходимларининг айтишича, улар воқеа юз бергунга қадар самолёт экипажидан фалокат ҳақида сигнал олишмаган.

Кўпроқ янгиликлар