Японияда тўфон сабабли минглаб сайёҳлар аэропортда қолиб кетди

Жаҳон 20:13 / 10.09.2019 4781

Япониянинг Нарита аэропортида “Факсай” тўфони ўтиши оқибатида жамоат транспортида юз берган носозликлар сабабли 17 минг киши қолиб кетди. Бу ҳақда NewsOnJapan нашри хабар берди. 

Сайёҳлар ҳукумат ёмон об-ҳаво сабабли темир йўл ва автобус алоқасини тўхтатгани сабабли Токио марказидан 75 км узоқликда жойлашган аэропорт ҳудудида қолиб кетган.

10 сентябрга ўтар кечаси аэропортнинг 1-терминалида 5,5 минг киши, 2-терминалида 11 минг киши ва 3-терминалида 600 киши қолиб кетган. Йўловчиларга ётоқ қоплари, сув ва егуликлар тарқатилган.   

Тиба, Ибараки ва Канагава префектураларида ҳанузгача электр ток йўқ бўлиб, Токио энергетик компанияси шифохона ва приютларда 200 дан кўпроқ электр ишлаб чиқарувчи генератор ўрнатишни режалаштирган.   

Кўпроқ янгиликлар