10 sentabr kuni Rossiya Federatsiyasining Yekaterinburg shahrida boks bo‘yicha jahon chempionati davom etdi. Havaskor bokschilar o‘rtasidagi jahon chempionatida O‘zbekiston terma jamoasining yana bir vakili Dilshod Ro‘zmetov ham g‘alaba bilan boshladi.
-81 kg vazn toifasida ringga ko‘tarilgan Dilshod Ro‘zmetov birinchi bosqichda mo‘g‘ulistonlik Narmandax Shinebayar bilan jang qildi va uch raund yakuniga ko‘ra, hakamlar tomonidan g‘olib deb topildi - 5:0.
Eslatib o‘tamiz, 9 sentabr kuni Fanat Qahramonov boshqa bir mo‘g‘ilistonlik raqibini yengib ikkinchi bosqichga yo‘llanma olgandi.
O‘zbekiston terma jamoasining 4 nafar vakili - Mirazizbek Mirzaxalilov, Bobousmon Baturov, Sanjar Tursunov va Bahodir Jalolov saralash bosqichidan ozod etilgan. Ular ikkinchi bosqichda bahslarga kirishadi.
Terma jamoaning qolgan vakillari quyidagi raqiblarga qarshi ringga chiqishadi:
-52 kg: Shahobiddin Zoirov – Gulijanov (Turkmaniston) (12 sentabr)
-57 kg: Mirazizbek Mirzaxalilov – De Andrade (Braziliya) / Ivanov (Polsha) (15 sentabr)
-63 kg: Elnur Abduraimov – Rizo Binbaziz (Jazoir) (12 sentabr)
-69 kg: Bobousmon Baturov – Arregui (Argentina) / Mikkalef (Chernogoriya) (16 sentabr)
-91 kg: Sanjar Tursunov – Xulio Blanko (Kolumbiya) / Teysheyra Da Silva (Braziliya) (15 sentabr)
+91 kg: Bahodir Jalolov – Rogava (Ukraina) / Ramazon Purdelavar (Eron) (17 sentabr).
Turnir 21 sentyabrga qadar davom etadi. Turnirda jahonning 91 mamlakatidan jami 488 nafar sportchi ishtirok etmoqda.