O‘zbekistonda Afg‘onistondagi o‘zbek yoshlarini qo‘llab-quvvatlash maqsadida xayriya aksiyasi o‘tkazilmoqda

Shu yilning 1 sentyabridan 1 oktyabriga qadar O‘zbekiston yoshlari umumjahon assotsiatsiyasi tomonidan Afg‘oniston Islom Respublikasida yashovchi yoshlarni qo‘llab-quvvatlash maqsadida “Tinchlik uchun” xalqaro xayriya aksiyasi o‘tkazilmoqda.

{Yii::t(}

O'tkazib yuborish 6s

O'tkazib yuborish

Mazkur aksiya orqali Afg‘onistondagi ota-ona qaramog‘isiz qolgan, og‘ir sharoitlarda yashayotgan etnik o‘zbeklar va afg‘on yoshlarning muammolariga keng jamoatchilik e'tiborini qaratish hamda ularni qo‘llab-quvvatlash maqsad qilingan.

Assotsiatsiya vakillari dastlab shu yilning may oyida xizmat safari doirasida Afg‘oniston Islom Respublikasining Xayraton va Mozori Sharif shaharlarida istiqomat qilayotgan etnik o‘zbeklarning turmush tarzi bilan yaqindan tanishdi.

Zaxiriddin Muhammad Bobur nomidagi maktab (O‘zbekiston tomonidan 2014 yilda sovg‘a qilib qurib berilgan) va G‘ulom Muhammadi Maymanagi nomidagi xususiy maktabga tashrif buyurildi va ta'lim olayotgan etnik o‘zbeklarning muammolari o‘rganib chiqildi va “Tinchlik uchun” xalqaro xayriya aksiyasini o‘tkazishga kelishib olindi.

Xalqaro xayriya aksiyasi doirasidagi barcha mablag‘lar “Imkoniyati cheklangan yoshlar va bolalar bilan ishlash markazi” nodavlat notijorat tashkilotining quyidagi maxsus hisob raqamiga (X/R 2021 2000 4008 2353 6002; INN: 207 268 312; MFO: 00407) yo‘naltiriladi. Shuningdek, xayriya ishlari CLICK va Payme xizmatlari orqali ham amalga oshirilishi mumkin.

Kelib tushgan barcha mablag‘lar yoshlar uchun zarur bo‘lgan lotin grafikasidagi o‘zbek tilidagi adabiyot namunalari, o‘quv darsliklar va o‘quv qurollari hamda kiyim-kechaklar xarid qilish uchun sarflanadi.

Aksiya doirasida kelib tushgan barcha mulklar O‘zbekiston Respublikasining Afg‘oniston Bosh konsulxonasi yordamida “O‘zbekiston temir yo‘llari” aksiyadorlik jamiyati orqali Afg‘oniston Islom Respublikasiga jo‘natiladi.

To‘lovni amalga oshirish qoidasi: belgilangan hisob raqamiga #tinchlikuchun xeshtegi ostida xayriya aksiyasi uchun ixtiyoriy yordam puli yo‘naltiriladi.