Ўзбекистон миллий жамоаси ЖЧ-2022 саралашида Фаластин (биринчи бўлимдан сўнг 0:0) билан ўйнамоқда.

Қайд қилиш жоизки, бу яримҳимоячи Одил Аҳмедов учун миллий жамоа таркибидаги 100-ўйиндир.

31 ёшли футболчи 2007 йилда Ўзбекистон миллий жамоасида дебют қилган. Шу вақтга қадар унинг ҳисобида 19та гол бор.

Айни пайтда Ўзбекистон миллий жамоасида юзлик довонга етиб олган футболчилар 5 нафарни ташкил қилади: Сервер Жепаров (126 ўйин), Тимур Кападзе (119), Игнатий Нестеров (105), Анзур Исмаилов (102) ва Одил Аҳмедов (100).