Германия канцлери Ангела Меркелнинг Хитойга 12-сафари олдидан унга босим ошди. Бу ҳақда Der Tagesspiegel нашри хабар берди. 

Таъкидланишича, канцлердан Ҳонгконгдаги намойишлар бўйича аниқ позицияни эгаллаш талаб қилинмоқда. Нашр 1989 йилда Тяньаньмэнь майдонида юз берган воқеалар такрорланиши мумкинлигидан огоҳлантирган. Ўшанда намойишчиларни тарқатишда танклар қўлланиши оқибатида юзлаб одамлар ҳалок бўлган.

Жорий намойишлар иштирокчилари Меркелга мактуб йўллаб, унда Хитой ҳукуматини диктатор тузуми деб аташган ва инсоннинг асосий ҳуқуқларидан эркин фойдаланиш имконсизлигини таъкидлаб ўтишган. Мактубда намойишчилар канцлердан учрашувни талаб қилишган ва 30 йил аввал бутун дунёда Германияда инсон ҳуқуқлари учун курашчилар ҳаракати қўллаб-қувватлангани эслатиб ўтилган. Мактубга кўра, эркинликни бостиришга қарши бошқа курашга ёрдам бериш вақти келди.

Таъкидланишича, Меркель Хитойга сафари дастурига ҳеч қандай ўзгартириш киритмаган. Бу эса канцлер у билан учрашишни истаган намойишчилар илтимосига жавоб бермаганини англатади. 

Меркелнинг Хитойга сафари 6-7 сентябрь кунларига белгиланган.