Qoʻshimcha funksionallar
-
Tungi ko‘rinish
Dunyoning yashash uchun eng qulay shaharlari reytingi e'lon qilindi
Foto: Getty Images
Avstriya poytaxti dunyoning yashash uchun eng qulay shaharlari reytingida qatorasiga ikkinchi bor yetakchi bo‘ldi. Reyting The Economist Intelligence Unit (EIU) tomonidan tuzildi.
Reytingda dunyoning 140 shahri barqarorlik, atrof-muhit, sog‘liqni saqlash, infrastruktura va ta'lim ko‘rsatkichlari bo‘yicha 100 ballik tizimda baholanadi.
Vena 99,1 ball oldi. Ikkinchi o‘ringa Avstraliyaning Melburn, uchinchi o‘ringa Sidney shaharlari joylashdi. To‘rtinchi o‘rinni Yaponiyaning Osaka, beshinchi o‘rinni Kanadaning Kalgari shahri egalladi.
Shuningdek, Vankuver, Toronto, Tokio, Kopengagen va Adelaida shaharlari yuqori o‘nlikdan joy oldi.
Suriyaning Damashq, Nigeriyaning Lagos va Bangladeshning Dakka shaharlari yashash uchun eng noqulay shaharlar deb topildi.
Avgust oxirida The Economist Intelligence Unit eng xavfsiz shaharlar reytingini e'lon qilgandi. Ro‘yxatdagi eng yuqori o‘rinlarni Tokio, Singapur va Osaka shaharlari olgandi.
Mavzuga oid
16:36 / 24.01.2025
Diplomi O‘zbekistonda tan olinadigan dunyo oliygohlari ro‘yxati e’lon qilindi
17:16 / 23.01.2025
Qozog‘iston o‘rtacha maosh miqdori bo‘yicha Markaziy Osiyoda yetakchi deb topildi
14:57 / 18.01.2025
Dunyodagi eng xavfsiz 5 ta avtomobil nomi e’lon qilindi
09:44 / 10.01.2025