Pxenyan Yaponiyadan Koreya yarimorolida qilgan harbiy jinoyatlari uchun kechirim so‘rashi va kompensatsiya to‘lashini talab qilmoqda. Bu haqda Koreya mrakaziy telegraf agentligi xabar berdi.
"Yaponiya 70 yildan ortiq vaqt o‘tgan bo‘lsa-da, haligacha qilgan ishlari uchun tavba qilmayotgan va harbiy jinoyatlari uchun uzr so‘ramay, kompensatsiya to‘lamay kelayotgan tajovuzkor davlat bo‘lib qolmoqda", - deyiladi bayonotda.
Qayd etilishicha, koreys xalqi Yaponiyaning bu ishlarini aslo unutmaydi va "KXDR Tokioning bu yovuzliklari uchun hisob-kitob qiladi".
1910-1945 yillarda Yaponiya hukumati Koreyani bosib olgan vaqtida yarimorol aholisini og‘ir ishlarni bajarishga majburlagan.