20 минг долларни ноқонуний олиб чиқиш режаси амалга ошмади

Жамият 15:14 / 03.09.2019 5029

Божхона ходимлари нақд хорижий валюталарни мамлакатимиздан ноқонуний олиб чиқилиши ҳолатларига ўз вақтида чек қўйишмоқда.

Жумладан, Андижон вилояти божхона бошқармаси “Дўстлик” чегара божхона пости ходимлари томонидан шу каби қонунбузарлик ҳолати ўз вақтида аниқланди. Бу ҳақда Давлат божхона қўмитаси ахборот хизмати хабар бермоқда

 Қўшни давлатга йўл олган фуқаро Ў.М.нинг хатти-ҳаракатлари божхоначилар эътиборини тортди ва унинг қўл юклари божхона назоратидан ўтказилганида ушбу шахс қора рангли сумкаси ичидаги кўйлак орасига 20 минг АҚШ долларини устомонлик билан яширганча олиб кетмоқчи бўлганлиги аниқланди. Аммо унинг бу найранги ўзига панд берди.

Ҳозирда юқоридаги ҳолат юзасидан божхона текширувлари давом эттирилмоқда.

Кўпроқ янгиликлар