Малида бино қулаши оқибатида 12 киши ҳалок бўлди

Жаҳон 08:30 / 02.09.2019 1983

Мали пойтахти Бамакода бино қулаши оқибатида 12 киши ҳалок бўлди, 26 киши қутқарилди. 

Маълум қилинишича, 3 қаватли бино маҳаллий вақт билан соат 4да қулаган. 

Вайроналар остидан 38 киши чиқариб олинган, улардан 12 нафари ўлик ҳолда бўлган.

Mali24.info маҳаллий порталининг хабар беришича, бинонинг қурилаётган юқори қавати унинг одамлар яшаётган қолган қисми устига қулаган.

Воқеа жойига бир нечта вазирликлар раҳбарлари етиб келишган. 

Таъкидланишича, Малида бинолар қулаши рухсатсиз ва қурилиш қоидаларига амал қилинмаган ҳолда қурилган иншоотларнинг кўплиги сабабли тез-тез юз бериб туради. 

Кўпроқ янгиликлар