Грузия бош вазири Мамука Бахтадзе истеъфога чиқди. У бу ҳақда ўзининг Facebook саҳифасида маълум қилди.
«Ривожланишнинг стратегик асоси яратилди, амалга оширилди ва шу боис мен истеъфога чиқишга қарор қилдим, чунки бу босқичдаги вазифамни бажариб бўлдим», — деб ёзди Бахтадзе.
Янги бош вазир номзоди «Грузинская мечта» ҳукмрон партияси сиёсий кенгаши йиғилишидан сўнг маълум қилинади, деди парламентдаги кўпчилик етакчиси Георгий Вольский.
Аввалроқ «ИнтерпрессНьюс» ўз манбаларига таяниб Грузия ҳукуматини мамлакат ИИВ раҳбари Георгий Гахария бошқаришини маълум қилганди.
