Yamandagi turmaga zarba berilishi oqibatida 86 kishi halok bo‘ldi

Jahon 23:12 / 01.09.2019 8021

Yamanning markaziy qismidagi Damar viloyatida joylashgan turmaga aviazarba berilishi oqibatida 86 kishi halok bo‘ldi. 

Avvalroq husiylar arab koalitsiyasi aviazarbasi 60 kishining hayotini olib ketgani, 50 kishi yaralanganini ma'lum qilishgan. O‘z navbatida, koalitsiya ushbu ayblovlarni rad etib, zarba husiylar harbiy obektiga berilganini aytgan.

Ta'kidlanishicha, hujum mahalliy vaqt bilan 31 avgustda kechki soat 23da boshlangan. Ayni vaqtda Qizil yarimoy guruhi tomonidan vayronalar ostidan 86 jasad chiqarib olingan. Vayronalar ostida yana o‘nlab jasadlar qolmoqda. 

Ko‘proq yangiliklar: