Чап қўли тирсагигача ампутация қилинган америкалик яккакураш жангчиси Ник Ньюэлл Bellator’да илк жангини ўтказди. 33 ёшли спортчи бир қўли йўқлигига қарамай ҳамюрти Кори Браунингни мағлуб эта олди.

Жанг Ньюэллнинг рақибига қарши бўғувчи усулни қўллаганидан кейин 1-раунддаёқ тўхтатилган. 

Айтиш жоиз, Ньюэлл 2009 йилдан бери аралаш яккакурашларда иштирок этиб келади. Айни вақтда унинг ҳисобида 18 та жанг бор ва у бор-йўғи 2 марта мағлуб бўлган.

Шунингдек, Бриджпортда ўтган мусобақанинг бош жангида россиялик Сергей Харитонов америкалик Мэтт Митрионни мағлуб этди.