Юридик шахслар учун uzcardtrade.uz электрон ярмаркаси

Жамият 16:08 / 19.08.2019 5254

Ягона Умумреспублика Процессинг Маркази электрон тижорат соҳасидаги ҳамкорлар билан биргаликда Uzcard корпоратив карталаридан фойдаланаётган юридик шахслар учун Uzcardtrade.uz савдо платформасини ишга туширди.

Uzcardtrade.uz ишга тушиши билан корпоратив картадан фойдаланувчи юридик шахслар ҳафтанинг барча кунлари 24 соат давомида тўловларни амалга ошириш имкониятига эга бўлдилар, бу эса бошқа тўлов турларига нисбатан сезиларли устунлик ҳисобланади.

Ушбу электрон платформа Ўзбекистон Республика Вазирлар Маҳкамасининг 2016 йил 2 августдаги 249-сонли қарорига мувофиқ ишлаб чиқилган ва харидорлар томонидан «Нархни сўраш» ва «Рақобатли харидлар» каби харид усулларидан фойдаланиш мумкин бўлган электрон ярмарка ҳисобланади.

Электрон платформанинг асосий афзаллиги ҳужжатлардан электрон шаклда фойдаланиш бўлиб, бунда ишончнома, ҳисобварақ-фактура ва чеклар электрон кўринишда шаклланади ва иштирокчиларнинг электрон рақамли имзоси билан расмийлаштирилади. Ушбу йўналишдаги ишлар Faktura.uz компанияси билан ҳамкорликда олиб борилмоқда.

Электрон ярмарка иштирокчиларининг ижро интизомини ошириш мақсадида тизимда тузилган шартномада белгиланган мажбуриятларни бажарилишини кафолатлайдиган механизм ҳам жорий этилган. Хусусан, шартнома тузилганидан сўнг сотиб олинаётган товар (иш, хизмат) учун тўлов маблағлари корпоратив картада музлатилади ва фақатгина сотувчи томонидан товарнинг етказиб берилиши ва қолган мажбуриятлар бажарилиши билан сотувчининг ҳисобига ўтказилади.

 Реклама ҳуқуқи асосида

Кўпроқ янгиликлар