ОАВ: Brexit Британияда маҳсулотлар танқислигига олиб келиши мумкин

Жаҳон 20:15 / 18.08.2019 3672

"The Sunday Times" нашри "кескин" Brexit, яъни  Британиянинг Европа Иттифоқидан битимсиз чиқиш ҳолатида Британияда озиқ-овқат инқирози ва ёнилғи етишмовчилиги юз бериши мумкинлигини маълум қилди.

Журналистлар мамлакатнинг 31 октябрга белгиланган Европа Иттифоқидан "ажрашиш" га тайёргарлик даражаси баҳоланган ҳукумат ҳужжатлари асосида бундай хулосага келдилар.

Хусусан, гап оммавий норозиликлар портларнинг ишини издан чиқариши мумкин бўлган Ирландия билан чегарадаги вазият туфайли дори-дармон, ёнилғи ва озиқ-овқат танқислиги ҳақида бориши мумкин. Йўлларнинг тўсилиши ва чегарадаги ушланишлар Лондон ва Британия жануби-шарқини таъминлашдаги муаммоларга олиб келиши мумкин.

Бундан ташқари, Ла-Манш бўғозини кесиб ўтишда божхонада дори-дармонлар билан боғлиқ муаммолар ижтимоий таъминот соҳасида хизматлар қимматлашишига сабаб бўлиши мумкин.

Кўпроқ янгиликлар