Ҳонгконгда яна норозилик намойишлари бошланди 

Жаҳон 21:18 / 18.08.2019 9332

Ҳонгконгда полициянинг қаршилигига қарамай норозилик намойишлари яна бошланди. Намойишлар 11 ҳафтадан бери давом этмоқда.

РИА Новости хабарига кўра, "Фуқаролик фронти" мухолифат ташкилоти Виктория боғида акция ташкиллаштирган, аммо ўн минглаб намойишчилар йўлларни ва қўшни кўчаларни эгаллашган.

Кучли ёмғирга қарамай, намойишчилар экстрадиция ҳақидаги қонуннинг бекор қилиниши ва аввал ҳибсга олинган биродарларининг озод қилинишига қатъий қарор қилишган.

Шаҳар марказида қатнов тўсилган, намойишчилар соябонлар остида ҳаракатланиб, ўз шиорларини ҳайқириб боришган. Акция ташкилотчилари намойиш иштирокчилари сони 300 минг кишига етишини кутишмоқда.

Фото: SCMP

Эслатиб ўтамиз, ҳукуматга қарши намойишлар туфайли Ҳонгконг халқаро аэропортининг фаолияти бир неча кун давомида деярли тўхтаб қолганди. Ҳукумат ва ҳуқуқ-тартибот идораларининг ҳаракатларига қарши бўлган фаоллар аэропортнинг учиш ва келиш залларини эгаллаб олишганди.

Кўпроқ янгиликлар