Андижонда «Чарм тўп» мусобақасининг вилоят босқичи баҳслари бошланди

Спорт 16:42 / 14.08.2019 2659

Ўзбекистон Республикаси Жисмоний тарбия ва спорт вазирлиги, Миллий Олимпия қўмитаси, Ўзбекистон футбол ассоциацияси ҳамкорликда ташкил этилган маҳаллалараро “Чарм тўп” турнири бу йил Андижонда юқори савияда ўтказилмоқда.

Вилоят босқичи учрашувлари олдидан Шўрбулоқдаги футбол академиясида мусобақанинг тантанали очилиш маросими бўлиб ўтди. 

Унда сўз олган Андижон вилоят жисмоний тарбия ва спорт бошқармаси бошлиғи Ўткирбек Тошпўлатов “Чарм тўп” мусобақасини ўтказишдан асосий мақсад футболга қизиқувчи инсонлар учун катта бир байрам ташкил этиш орқали ҳаваскор ва профессионал спорт ўртасида тўсиқларни олиб ташлаб, ҳар бир фуқарони юртимиз спортига яқинроқ бўлишига шароит яратиб бериш эканлиги ҳақида гапирди.

Энди 13-18 август кунлари вилоят туман ва шаҳарларининг 18 ёшдан 30 ёшгача бўлган 16 та ёшлар жамоалари тўрт гуруҳга бўлинган ҳолда куч синашадилар. 19  август куни бўлиб ўтадиган финал ўйини ғолиби 22-27 август кунлари Тошкент шаҳрида ташкил этиладиган Республика босқичида тўп суриш имкониятига эга бўлади.

Кўпроқ янгиликлар