Yo‘l harakati xavfsizligini oshirish maqsadida Toshkentning Beshqayrag‘och ko‘chasida ogohlantiruvchi yo‘l chizig‘ining yangi turi eksperimental ko‘rinishda qo‘llanila boshladi.

Piyodalar o‘tish joyidan 50 metr oldin asfaltga maxsus ogohlantirish yo‘l chizig‘i tushirilmoqda.

«Maxsus yo‘l chizig‘ining bu turi yo‘l xarakati ishtirokchilarini qo‘shimcha himoya qilish uchun mo‘ljallangan», – deyiladi shahar hokimligi matbuot xizmati xabarida.

Eslatib o‘tamiz, o‘tgan oyda «Mening fikrim» jamoaviy murojaatlar portaliga piyodalar o‘tish joylariga kuzatuv kameralarini o‘rnatish haqida petitsiya joylashtirilgan edi.