11 avgust, yakshanba tongida O‘zbekistondagi jome' masjidlarida Qurbon hayiti namozi o‘qildi.

Toshkentdagi Hazrati Imom jome' masjidi ham erta tongdan yurtdoshlar bilan gavjum bo‘ldi.

Qurbon hayiti namozi ma'ruzasida ezgu amallar mazmun-mohiyati, bugungi tinch va obod kunlar qadri haqida so‘z bordi.

Hayit namoziga yig‘ilganlar shu kunlarga yetkazganiga shukrona aytib, elga tinchlik-xotirjamlik, omonlik, qut-baraka tilab, duolar qildi.

Qurbon hayiti namozidan so‘ng hamyurtlar yaqinlari holidan xabar olish, bir-birini qutlash uchun yo‘l oldi.