«Barselona» Neymar uchun bir yevro ham to‘lamoqchi emas

Sport 13:42 / 11.08.2019 19683

«Barselona» rahbariyati Neymarni qaytarish masalasida «PSJ» bilan muzokaralarni davom ettirmoqda.

Marca`ning xabar berishicha, «ko‘k-anorranglilar» 27 yoshli braziliyalik uchun Parij klubiga faqatgina o‘z futbolchilarini berishga tayyor, ya'ni klub qo‘shimcha hech qancha mablag‘ni kompensatsiya sifatida to‘lamoqchi emas.

Ta'kidlanishicha, «Barsa» rahbarlari xotirjamlikni saqlagan holda Neymar transferi bo‘yicha shoshilinch qarorlar qabul qilishdan o‘zini tiyishga qaror qilgan.

Kataloniya klubidagilar hujumchi bu yil yozda «PSJ»da qoladi, deb hisoblashmoqda. Shuningdek, qayd etilishicha, ularni Neymarga «Real» ham qiziqayotgani xavotirga solayotgani yo‘q.

Avvalgi xabarlarda Fransiya chempioni 10-raqam egasi uchun «Barselona»dan vinger Filippe Koutino, himoyachi Nelson Semedu va 50 mln yevro so‘rayotgani aytilgan edi.

Ko‘proq yangiliklar: