«Liverpul» darvozaboni Alisson APL 1-turidan o‘rin olgan «Norvich»ga (4:1) qarshi o‘yinda jarohat oldi.

Braziliyalik posbon 39-daqiqada maydonni tark etishga majbur bo‘ldi. Uning o‘rnini jamoaning yangi o‘yinchisi Adrian egalladi.

O‘yindan so‘ng «Liverpul» ustozi Yurgen Klopp darvozabonning jarohati mushak bilan bog‘liq ekani va jiddiy emasligini aytdi. Ammo UYeFA Superkubogi uchun bahsda maydonga tushmasligini ma'lum qildi.

Eslatib o‘tamiz, UYeFA Superkubogi uchun bahsda «Liverpul» va «Chelsi» klublari bellashadi. O‘yin 15 avgust kuni soat 23:55da boshlanadi.