Июнь охиридан, узоқ йиллар давомида биринчи марта Қозоғистон Ўзбекистонга электр энергия экспорт қила бошлади. Бу ҳақда бир қатор ОАВ хабар берди.   

Икки давлатнинг мутасадди ташкилотлари ўртасида тузилган битимга кўра, 2019 йил давомида Ўзбекистон энергетика тизимига 1 млрд кВт-соатдан кўпроқ электр энергия экспорт қилинади.

Қозоғистон энергетика вазирлиги маълумотларига кўра, Ўзбекистонга электр энергия экспортини амалга оширишнинг энг муҳим шартларидан бири Қозоғистоннинг ички эҳтиёжини таъминлаш  ҳисобланади. Қозоғистонлик истеъмолчиларни электр таъминоти билан узлуксиз ва ишончли таъминлаш учун аварияга қарши автоматикани созлаш бўйича тадбирлар мажмуаси ва технологик қоидабузарликлар вазиятида ўзбекистонлик истеъмолчилар учун чекловлар киритиш кўзда тутилган.

Электр энергия етказилиши бошланган ва июнь охиридан 17 июлгача Ўзбекистонга 145 млн кВт-соат электр энергия экспорт қилинган. 

Таъкидланишича, Қозоғистон электр энергиясини етказиши Қозоғистондаги электр станцияларни модернизациялаш, реконструкциялаш ва кенгайтириш ҳисобига электр қувватларидаги профицит эвазига мумкин бўлган.