Saudi Aramco «Lukoyl»ning O‘zbekistondagi loyihalariga qiziqish bildirdi - OAV

Iqtisodiyot 09:12 / 16.07.2019 7662

Saudiya Arabistonining Saudi Aramco shirkati O‘zbekistondagi ikkita gaz loyihasi bo‘yicha «Lukoyl» bilan birgalikda ish olib borishga qiziqish bildirmoqda. Bu haqda Reuters RIA Novosti’ga tayangan holda ma'lumot tarqatdi.

«Rossiya tomoni «Lukoyl» Saudi Aramco bilan texnologik tajriba almashish, ilmiy-tadqiqot ishlarini olib borish va xalqaro loyihalarni amalga oshirish bo‘yicha hamkorlik imkoniyatlarini o‘rganish hamda tahlil qilishdan manfaatdor ekanini bildirdi», - deyiladi xabarda.

«Saudiya tomoni ham «Lukoyl» bilan O‘zbekistondagi ikkita gaz loyihasi bo‘yicha qiziqish borligini bildirdi».

Eslatib o‘tamiz, neft qazib olish va neft zaxiralari hajmi bo‘yicha dunyodagi eng yirik neft kompaniyasi - Saudiya Arabistonining Saudi Aramco shirkati 2018 yilda dunyodagi eng daromadli kompaniya bo‘ldi - uning sof foydasi 111,1 milliard dollarga yetdi. Saudi Aramco «Lukoyl» Rossiya neft kompaniyasi bilan qo‘shma korxonaga ega - Lukoil Saudi Arabia Energy Ltd. (LUKSAR). 

Ko‘proq yangiliklar: