КХДР Жанубий Корея билан ҳарбий машғулотлар ўтказилиши сабабли АҚШни ваъдасини бажармасликда айблади

Жаҳон 15:11 / 16.07.2019 6024

КХДР АҚШ Жанубий Корея ҳарбийлари билан қўмондонлик-штаб машғулотлари ўтказишга тайёрланаётганлиги сабабли Қўшма Штатлар юқори даражадаги икки томонлама келишувларни бузмоқда деб ҳисоблайди. Бу ҳақда КХДР ташқи ишлар вазирлиги баёнотида айтилмоқда.

"АҚШ ва Жанубий Корея августда бизга қарши қаратилган "Альянс 19-2" ҳарбий машғулотларини ўтказмоқчи. Сингапурдаги саммитда президент Трамп ҳарбий машғулотлар тўхтатилишига омма олдида расман ваъда берганди ва Пханмунжомда бўлиб ўтган КХДР ва АҚШ раҳбарлари учрашувида мамлакатимиз ташқи ишлар вазири ва АҚШ давлат котиби иштирокида бу ҳақда яна бир бор айтганди", - дейилади баёнотда.

КХДР ташқи ишлар вазирлиги вакилининг фикрича, Вашингтон машғулотлар ўтказиш орқали Пхеньянга қасддан босим ўтказмоқда.

"Биз бунга эҳтиёткорлик билан муносабатда бўламиз. АҚШ расмий ваъдаларни бир томонлама бажармас экан, бизда ҳам бундай ваъдаларга ишонч доимий равишда йўқолиб боради", - дейилади КХДР баёнотида.

АҚШ ва Жанубий Кореянинг "Тонмэн 19-2" ("Альянс") қўмондонлик-штаб машғулотлари август ойида бўлиб ўтади.

Кўпроқ янгиликлар