Турли давлатлар, жумладан, Ўзбекистон аҳолисининг иш ҳақи неча литр бензин сотиб олишга етади?

Ўзбекистон 13:13 / 12.07.2019 47893

Picodi.com таҳлилий бўлими дунёнинг 115 мамлакатида ўртача иш ҳақига неча литр бензин сотиб олиш мумкинлигини аниқлади.

Тадқиқот шуни кўрсатдики, баъзи минтақаларда нефть қазиб олиш йўқ эканига қарамай, аҳоли учун бензин анча ҳамёнбопдир; бошқаларида эса, маош миқдори ва ёқилғи литри учун нарх ҳисобга олинса, автомобиль ҳаракатланиш воситаси эмас, балки ҳали ҳам ҳашаматли нарса бўлиб қолмоқда.

Тожикистонда АИ-95 литри нисбатан арзон ($0,81) бўлса-да, ўртача иш ҳақи жуда паст, бу пулга фақат тахминан 130 литр сотиб олиш мумкин.

Қозоғистонда бензин деярли икки баробар арзонроқдир ($0,45), мамлакат аҳолиси 800 литрдан зиёдни сотиб олиш имкониятига эга. Марказий Осиёда Қозоғистон ушбу кўрсаткич бўйича етакчи ўринни эгаллайди.

Минтақа бўйича бошқа маълумотлар: Ўзбекистон - 238 литр, Қирғизистон - 305 литр.

Жанубий Кавказ ва Каспийбўйи минтақаси давлатларида бу рақамлар анча яхши. Мисол учун, Арманистон ва Озарбойжонда АИ-95 учун нархлар АҚШ доллари эквивалентида бир хил (88 цент), бу мос равишда 335 ва 354 литр бензин сотиб олиш имконини беради. Энг яхши натижа Грузияда. Ўртача ойлик иш ҳақи 434 литрга етади.

Россияда ўртача ойлик иш ҳақи жорий йилнинг дастлабки олти ойида 40 минг рублни ташкил этган. Ушбу давлат кўп йиллар давомида нефть қазиб олиш бўйича етакчи ўринни эгаллаб турганига қарамай, аҳолиси иш ҳақига 887 литр бензин сотиб олиши мумкин.

Собиқ СССР мамлакатларидан Эстония ва Литва етакчига айланди. Бизнинг стандартларимиз бўйича Болтиқбўйи мамлакатларидаги бензин нархи жуда қиммат, лекин евродаги маошлар эвазига 840 литрдан зиёд ёқилғини сотиб олишингиз мумкин.

Украинада ва Молдовада бир литр учун нарх деярли бир хил ($1,09 ва $1,03) - 258 ҳамда 298 литр. 

 
Кўпроқ янгиликлар