Тошкентдаги таълим муассасалари ҳудудидан ер майдонлари ҳокимлик захира ер фондига топширилади

Ўзбекистон 11:36 / 12.07.2019 3502

Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Тошкент шаҳрида мактабгача таълим ташкилотларини қуриш ва реконструкция қилиш учун ер майдонлари ажратиш тўғрисида”ги қарори лойиҳаси эълон қилинди.

Тошкент шаҳар ҳокимлиги, Олий ва ўрта махсус таълим вазирлиги, Мактабгача таълим вазирлиги ва Халқ таълими вазирлигининг:

2019 йилга мўлжалланган Инвестиция дастури доирасида мактабгача таълим ташкилотларини қуриш учун Тошкент шаҳридаги таълим муассасалари ҳудудидан мувофиқ ер майдонларини Тошкент шаҳар ҳокимлиги захира ер фондига топшириш ва Ўзбекистон Республикаси Мактабгача таълим вазирлиги ҳузуридаги“ Инфратузилмани ривожлантириш инжиниринг компанияси” давлат унитар корхонасига мактабгача таълим ташкилотларини қуриш учун ажратиш тўғрисидаги;

Тошкент шаҳар Шайхонтоҳур туманидаги 75-сон мактабгача таълим ташкилоти ўрнида 150 ўринли, 527-сон мактабгача таълим ташкилоти ўрнида 100 ўринли, Чилонзор туманидаги 473-сон мактабгача таълим ташкилоти ўрнида 200 ўринли таълим ташкилотларини қуриш тўғрисидаги таклифлари маъқулланиши мумкин.

Мактабгача таълим вазирлиги (А. Шин) ушбу мактабгача таълим ташкилотларида йўқотилган қувватларда иқтисод қилинган маблағлар ҳисобига янги мактабгача таълим ташкилотини қуриш ёки мавжудини реконструкция қилиш юзасидан Вазирлар Маҳкамасига таклиф киритади.

Тошкент шаҳар ҳокими (Ж.Ортиқхўжаев):

кўрсатилган ер майдонларини Тошкент шаҳар ҳокимлиги захира ер фондига қабул қилиш ҳамда мактабгача таълим ташкилотларини қуриш учун ажратиш чорасини кўради.

Мактабгача таълим вазирлиги (А. Шин) мазкур қарорда кўрсатиб ўтилган мактабгача таълим ташкилотларини қуриш бўйича лойиҳа-смета ҳужжатларини ишлаб чиқилишини якунлаб, қурилиш-монтаж ишлари бошланишини таъминлайди.

2019 йилга мўлжалланган Инвестиция дастури доирасида мактабгача таълим ташкилотларини қуриш учун ҳудудидан ер майдони ажратиладиган мактабгача таълим ташкилотлари рўйхати:

Олмазор тумани “А.Шоший” маҳалласи ҳудудидаги 172-сон мактабгача таълим ташкилотига қўшимча бино қуриш учун шу тумандаги 261-сон умумтаълим мактаби ҳудудидан 0,40 га ер майдони;

Олмазор тумани “Хончарбоғ” маҳалласи ҳудудидаги 118-сон мактабгача таълим ташкилотига бино қуриш учун шу тумандаги 119-сонли умумтаълим мактаби ҳудудидан 0,28 га ер майдони;

Олмазор тумани “Эски шаҳар” маҳалласи ҳудудидаги 248-сон мактабгача таълим ташкилотига бино қуриш учун тумандаги 46-сонли умумтаълим мактаби ҳудудидан 0,40 га ер майдони;

Шайхонтоҳур тумани “Кохота” маҳалласидаги 21-сон мактабгача таълим ташкилоти жойлашган ҳудуд Тошкент шаҳар бош режасига асосан бузилиш ҳудудида жойлашганлигини инобатга олиб, Шайхонтоҳур тумани Кохота маҳалласидаги 5-сонли Академик лицейдан 0,40 га ер майдони.

Кўпроқ янгиликлар