Меркелнинг титроқ босганда ўзига айтган сўзлари маълум бўлди

Жаҳон 00:20 / 12.07.2019 18384

Германия канцлери Ангела Меркелнинг 10 июлда Финляндия бош вазири Антти Ринне билан учрашувда охирги ҳафталардаги учинчи марта титроқ тутиши вақтида ўзига айтган сўзлари маълум бўлди. Бу ҳақда лаблар бўйича сўзларни ўқий олувчи мутахассис Жудит Хартер Antenne Bayern радиостанциясига сўзлаб берди.

Мутахассиснинг фикрича, канцлер ўзига таскин бериб, бир неча маротаба “Мен уддалай оламан” деб қайтарган.

Кейинроқ Меркель ўзини яхши ҳис қилаётгани ва ишлашга тайёрлигини айтган.

Меркелни 18 июнда Украина президенти Владимир Зеленский билан учрашув вақтида илк бор титроқ тутган. Ўшанда сиёсатчи ўзининг бу ҳолатини сувсизланиш билан тушунтирганди. Меркель билан иккинчи марта бундай воқеа 27 июнда Германия президенти Франк-Вальтер Штайнмайер билан учрашув вақтида юз берган. Ўшанда канцлер унга келтирилган сувни рад этган.

Кўпроқ янгиликлар