Merkel titroq tutishlardan keyin madhiyani o‘tirib eshitishga qaror qildi (video)

Germaniya kansleri Angela Merkel Daniya bosh vaziri Mette Frederiksen bilan Berlindagi uchrashuvda madhiyani o‘tirib eshitdi. Bu haqda Die Welt nashri xabar berdi. 

Nashr ushbu holat videosini e'lon qildi. Unda Merkel daniyalik hamkasbini kutib olayotgani va ular harbiy orkestr qarshisida o‘rnatilgan stullarga o‘tirib Germaniya va Daniya madhiyalarini tinglashayotganini ko‘rish mumkin. Odatda rasmiy uchrashuvlarning bu qismi yetakchilarning turgan holatida o‘tadi. Bild nashrining ta'kidlashicha, tadbir bayonnomasi qabul oldidan o‘zgartirilgan va maydonchada ikkita oq stul o‘rnatilgan. Ko‘rinishicha, bunday qaror oxirgi haftalarda rasmiy uchrashuvlarda Merkelni ba'zida titroq tutayotgani bilan bog‘langan.

{Yii::t(}

O'tkazib yuborish 6s

O'tkazib yuborish

Bundan bir kun avval, ya'ni 10 iyulda Merkelning Berlinda Finlyandiya bosh vaziri Antti Rinne bilan uchrashuvi vaqtida uni uchinchi marta titroq tutgandi. Bundan avval Germaniya kansleri bilan shunday holat Ukraina prezidenti Vladimir Zelenskiy va Germaniya prezidenti Frank-Valter Shtaynmayyer bilan uchrashuvlarda yuz bergandi. Spiegel nashrining ta'kidlashicha, Merkel uzoq vaqt oyoqda turishiga to‘g‘ri kelganda u bilan shunday holat yuz bermoqda. Kanslerning o‘zi esa jamoatchilikni sog‘lig‘ida hech qanday muammolar yo‘qligiga ishontirmoqda.