Портлашлар Қозоғистондаги ҳарбий қисмдаги ёнғинни ўчиришни бошлашга имкон бермаяпти

Жаҳон 16:40 / 24.06.2019 17299

Портлашларнинг давом этиши Қозоғистон жанубидаги ҳарбий қисмдаги ёнғинни ўчиришни бошлашга имкон бермаяпти, деб маълум қилди мамлакат фавқулодда вазиятлар бўйича қўмитаси расмий вакили Нурсултон Нурахметов.

Аввалроқ Қозоғистон мудофаа вазирлиги 44,3 минг киши истиқомат қиладиган Арис шаҳридаги ўқ-дори омборида ёнғин юзага келгани ва портлашлар келиб чиққанини хабар қилганди.

Портлаш оқибатида 16 киши жароҳатланган. Жабрланганлар енгил ва ўрта даражадаги жароҳатлар билан шифохонага ётқизилган.

"Шаҳарда аҳолини эвакуация қилиш ишлари давом этмоқда, ҳозирда ёнғинни ўчириш имконияти йўқ. Портлашлар давом этмоқда, бизнинг куч ва воситаларимиз ёнғинни ўчиришга кириша олмаяпти", - деди Нурахметов.

Кўпроқ янгиликлар