Adliya vazirligi huzuridagi Davlat xizmatlari markazi 21 iyun kunidan Toshkent shahridagi 81ta maktabga faqatgina asosiy kvota bo‘yicha qabul boshlanishi haqida ma'lumot berdi.

• Asosiy kvota — tuman (shahar) hokimliklari tomonidan umumta'lim muassasalariga biriktirilgan mikrohududda istiqomat qilayotgan fuqarolarning farzandlari, otasi yoki onasi I guruh nogironi bo‘lgan hamda yetim yoki ota-ona qaramog‘idan mahrum bo‘lgan bolalar sonini (keyingi o‘rinlarda asosiy kvota deb ataladi) inobatga olgan holda shakllantiriladi.

«Qo‘shimcha kvota uchun qabul faqatgina asosiy kvota to‘lganidan so‘ng boshlanadi. 

Har bir maktab asosiy va qo‘shimcha kvotalarni o‘z imkoniyatidan kelib chiqqan holda shakllantiradi. 

Shu bois, har bir maktab qo‘shimcha kvotasi ochilish sanasi turli bo‘lishi mumkin», deyiladi Davlat xizmatlari markazining telegramdagi kanalida.