Электр энергетикада назорат инспекцияси бошлиғига ўринбосар тайинланди. Аввалги ходим лавозимда уч кун ишлаганди

Ўзбекистон 17:10 / 12.06.2019 5520

Вазирлар Маҳкамасининг қарори билан Акбархон Аббасович Юлдашев Энергетика вазирлиги ҳузуридаги Электр энергетикада назорат инспекцияси бошлиғининг ўринбосари этиб тайинланди. Бу ҳақда Адлия вазирлигининг телеграмдаги «Ҳуқуқий ахборот» каналиорқали хабар берилди.

Акбархон Юлдашев бунгача Ёқилғи-энергетика соҳаси ва саноатнинг базавий тармоқларини ривожлантириш масалалари котибиятининг Энергетика, энергиянинг тикланадиган манбалари ва саноат хавфсизлиги масалалари бўйича бош мутахассиси лавозимида фаолият юритган.

Эслатиб ўтамиз, апрель ойида Ўзбекистон Республикаси Энергетика вазирлиги ҳузуридаги Электр энергетикада назорат инспекцияси бошлиғининг ўринбосари Умаржон Усмоналиевич Эгамбердиев бошқа ишга ўтиши муносабати билан лавозимидан озод қилинганди. У бу лавозимда уч кун ишлагач, бошқа ишга ўтганди.

Кўпроқ янгиликлар