«Rostov» klubi o‘zbekistonlik hujumchi Eldor Shomurodov bilan yangi shartnoma imzolaganini e'lon qildi.
Yangi mehnat bitimiga ko‘ra, 23 yoshli futbolchi 5 yil davomida rostovliklar sharafini himoya qiladi.
Eslatib o‘tamiz, Shomurodov 2017 yildan beri «Rostov» tarkibida o‘ynayapti. O‘tgan mavsumda u 26ta o‘yinda maydonga tushib, 3ta gol urgan va 1ta golli uzatmani amalga oshirgan.
Shomurodov bilan birga darvozabon Sergey Pesyakov ham «Rostov» bilan shartnomasini uzaytirdi.